ممبئی: (رائیٹ ناوٴ نیوز) امریکی صدر ڈونلڈ ٹرمپ کی جانب سے بھارتی مصنوعات پر سخت ٹیرف کے نفاذ نے بھارتی برآمدی صنعت کو بحران میں ڈال دیا ہے۔ ممبئی میں مقیم سریندر گپتا، جن کی کمپنی فیشن ملبوسات کے لیے اشیاء تیار کرتی ہے، کا  کہا کہ ان کا کاروبار سخت متاثر ہوا ہے کیونکہ امریکی مارکیٹ میں ان کی کمپنی کی بڑی حصہ داری ہے۔

اگست میں بھارتی مصنوعات پر 50 فیصد ٹیرف کے نفاذ کے بعد سے بھارتی برآمد کنندگان میں تشویش بڑھ گئی ہے۔ ٹرمپ انتظامیہ نے روسی تیل کی بھارتی خریداری پر بھی اضافی ڈیوٹی عائد کی ہے، جس پر بھارتی حکام نے واشنگٹن پر دوہرا معیار اپنانے کا الزام لگایا ہے۔

بھارتی برآمد کنندگان کو خدشہ ہے کہ امریکی مارکیٹ میں ان کا مستقبل خطرے میں ہے اور ممکنہ طور پر متبادل منڈیوں کی تلاش شروع ہو چکی ہے۔

بھارتی حکومت نے متاثرہ کمپنیوں کی مدد کے لیے اقدامات کرنے کا اعلان کیا ہے، جبکہ وزیر اعظم نریندر مودی نے امریکہ کے ساتھ تجارتی مذاکرات میں سخت مؤقف اپنانے کا عندیہ دیا ہے۔

تجزیہ کاروں کے مطابق، امریکی ٹیرف سے بھارتی معیشت کے کئی شعبے متاثر ہو سکتے ہیں، جبکہ لاکھوں نوکریاں خطرے میں ہیں۔