نیویارک: (رائیٹ ناؤ نیوز) یو ایس اوپن میں دنیا کی نمبر ون ٹینس کھلاڑی آرینا سبالینکا نے اپنی شکایت میں کہا کہ چرس کی بو کھیل میں خلل ڈال رہی ہے۔ وہ ازبکستان کی کمیلا رحیمووا کے خلاف تیسرے راؤنڈ میں کھیل رہی تھیں۔

بیلاروس کی سبالینکا نے میچ کے دوران امپائر کو چرس کی بو کی شکایت کی۔ انہوں نے کہا کہ بو اتنی تیز ہے کہ کھیل پر توجہ رکھنا مشکل ہو رہا ہے۔

سبالینکا نے صحافیوں سے گفتگو میں کہا کہ انہیں لوگوں کی تفریح سے کوئی اعتراض نہیں، مگر کورٹ کے قریب ایسا نہ کریں۔ انہوں نے بتایا کہ تیز ہوا کی وجہ سے بو کورٹ تک پہنچی۔

واضح رہے کہ نیویارک میں تفریحی چرس کا استعمال قانونی ہے، مگر ٹینس اسٹیڈیم میں نشہ ممنوع ہے۔ فلشنگ میڈوز پارک سے بو اسٹیڈیم تک پہنچ جاتی ہے۔

یاد رہے کہ امریکی کھلاڑی جیسیکا پیگولا نے بھی اس مسئلے پر تحفظات کا اظہار کیا ہے۔ ٹینس کے آداب کا احترام سب کو کرنا چاہیے۔