کراچی: (رائیٹ ناؤنیوز) پاکستان انٹرنیشنل ایئر لائنز (پی آئی اے) نے اپنے عملے کے 10 سال پرانے یونیفارم کو تبدیل کرنے کا اعلان کیا ہے۔ یہ اعلان ایئر لائن کی انتظامیہ نے انسٹاگرام پر کیا۔

نئے یونیفارم کو پاکستان کے مشہور تخلیقی اذہان نے تیار کیا ہے جو جلد منظر عام پر لایا جائے گا۔ یہ تبدیلی پی آئی اے کی نجکاری کے بعد کی جا رہی ہے۔

پی آئی اے کے مطابق یہ نیا یونیفارم پاکستان کی ثقافتی میراث اور جدیدیت کا امتزاج ہوگا۔ انتظامیہ نے بتایا کہ یہ پہلا موقع نہیں جب پی آئی اے نے یونیفارم تبدیل کیا ہو۔

یاد رہے کہ پی آئی اے نے عالمی معیار کی بحالی کے لئے مختلف اقدامات کیے ہیں۔ حال ہی میں لندن کے لئے پروازوں میں اضافے کا اعلان بھی کیا گیا ہے۔

واضح رہے کہ پی آئی اے کا قیام 1946 میں ہوا اور اس کا نام 1955 میں رکھا گیا۔ اس ایئر لائن نے مختلف ادوار میں یونیفارم تبدیل کیے ہیں۔