واشنگٹن: (رائیٹ ناؤنیوز) امریکی نائب صدر جے ڈی وینس نے ایران کے ساتھ کشیدگی کے حوالے سے کہا ہے کہ تمام آپشنز موجود ہیں، مگر تفصیلات ظاہر نہیں کی جائیں گی۔ انہوں نے وائٹ ہاؤس میں صحافیوں سے گفتگو کرتے ہوئے کہا کہ اس حوالے سے مزید معلومات فراہم کرنا صدر کی منصوبہ بندی کو متاثر کر سکتا ہے۔

جے ڈی وینس نے کہا کہ ایران سے بات چیت میں کس طرح پیشرفت ہوگی، یہ بتانا ممکن نہیں۔ لیکن ایران پر معاشی و فوجی دباؤ برقرار ہے۔ انہوں نے مزید کہا کہ آبنائے ہرمز میں امریکا کی کوششیں جاری ہیں اور وہاں جہازوں کی حفاظت کی جا رہی ہے۔

امریکی نائب صدر کا کہنا تھا کہ ایران کے معاملے میں امریکا کے پاس دباؤ ڈالنے کے متعدد ذرائع ہیں۔ ایران کے تجارتی جہازوں پر فائرنگ گیس کی قیمتوں میں اضافے کا باعث ہے۔ انہوں نے مزید کہا کہ ایران سے بات چیت اس وقت تک نہیں ہوگی جب تک ایرانی جہازوں پر فائرنگ بند نہیں کرتے۔

واضح رہے کہ جے ڈی وینس نے ایران کے معاملے پر تمام آپشنز کو میز پر رکھنے کی بات کی ہے، مگر ان کی تفصیلات واضح نہیں کی گئی ہیں۔ امریکا نے شہریوں کو نشانہ بنانے کا اعلان کبھی نہیں کیا۔

یاد رہے کہ عرب میڈیا نے اسرائیلی فوج کے لبنان میں کارروائی کی خبر دی ہے، جہاں حزب اللہ کے اہلکار نشانہ بنے ہیں۔ ایران نے خبردار کیا ہے کہ اسرائیل کے حملے پر فوجی جواب دیا جائے گا۔