کراچی: (رائیٹ ناؤ نیوز) آئی سی سی نے ویمنز چیمپئنز ٹرافی کی میزبانی سری لنکا سے واپس لے کر بھارت کو سونپ دی ہے۔ یہ فیصلہ سری لنکا کرکٹ کے معاملات میں حکومتی مداخلت کی بنا پر کیا گیا۔

آئی سی سی کے مطابق، سری لنکا کو چھ ٹیموں پر مشتمل اس تاریخی ٹورنامنٹ کی میزبانی کرنی تھی۔ تاہم، بورڈ کے مسائل کی وجہ سے میزبان تبدیل کیا گیا۔ بنگلادیش اور جنوبی افریقا نے بھی میزبانی میں دلچسپی ظاہر کی تھی۔

آئی سی سی نے سری لنکا کو جولائی کی کانفرنس میں تجویز کردہ اصلاحات پر عمل درآمد جاری رکھنے کا کہا ہے۔ بھارت کو متبادل میزبان کے طور پر منظور کرلیا گیا۔

ٹورنامنٹ کے میچز ممبئی اور وڈودرا میں ہوں گے اور یہ ایونٹ ٹی ٹوئنٹی فارمیٹ میں ہوگا۔ چھ ٹیمیں راؤنڈ رابن مرحلے میں ایک دوسرے کے خلاف کھیلیں گی۔

یاد رہے کہ ایونٹ میں آسٹریلیا، انگلینڈ، بھارت، نیوزی لینڈ، جنوبی افریقا اور سری لنکا شرکت کریں گے۔ خواتین کا یہ ایونٹ مردوں کی چیمپئنز ٹرافی کے برعکس ٹی ٹوئنٹی فارمیٹ میں کھیلا جائے گا۔