بشکیک: (رائیٹ ناؤنیوز) روس کے صدر ولادیمیر پوتن نے چین کے ساتھ ویزا فری نظام مستقل کرنے پر آمادگی ظاہر کی ہے۔ انہوں نے کہا ہے کہ اگر چین اسے فائدہ مند سمجھتا ہے تو روس بیجنگ کے ساتھ مل کر کام کرنے کو تیار ہے۔

یہ بات صدر پوتن نے بشکیک میں شنگھائی تعاون تنظیم کے سربراہی اجلاس میں چینی صدر شی جن پنگ سے ملاقات کے دوران کہی۔ ملاقات میں دونوں صدور نے ویزا فری نظام کے فوائد اور تعاون پر گفتگو کی۔

روسی صدر کے مطابق ویزا فری نظام سے دونوں ممالک کے سیاحتی روابط میں 43 فیصد اضافہ ہوا ہے۔ اس سہولت سے رواں سال کی پہلی ششماہی میں سیاحوں کی آمدورفت میں نمایاں اضافہ دیکھا گیا ہے۔

صدر پوتن نے کہا کہ ماسکو ویزا فری نظام کو مستقل شکل دینے کے لیے چینی فریق کے ساتھ مل کر کام کرنے کے لیے تیار ہے۔ تاہم اس کے لیے بیجنگ کی رضامندی اور فائدہ مند سمجھنا ضروری ہے۔

یاد رہے کہ یکم دسمبر 2025 کو روس نے چینی شہریوں کو 30 دن تک بغیر ویزا روس میں داخلے کی اجازت دی تھی۔ چین نے بھی روسی شہریوں کے لیے اسی نوعیت کی سہولت متعارف کرائی تھی۔