بشکیک: (رائیٹ ناؤ نیوز) کرغزستان میں وزیراعظم شہباز شریف اور ایرانی صدر مسعود پزشکیان کے درمیان ملاقات ہوئی۔ دونوں ممالک کے باہمی تعلقات اور تعاون پر تبادلہ خیال کیا گیا۔

ملاقات شنگھائی تعاون تنظیم کے سربراہ اجلاس کے موقع پر ہوئی۔ اس میں ایران اور پاکستان کے مختلف شعبوں میں تعاون کا جائزہ لیا گیا۔

دونوں رہنماؤں نے تعلقات کو مزید گہرا کرنے کے لیے موجودہ صلاحیتوں اور مواقع کا فائدہ اٹھانے پر زور دیا۔

واضح رہے کہ شہباز شریف کرغزستان کے 3 روزہ دورے پر موجود ہیں۔ وہ شنگھائی تعاون تنظیم کے اجلاس میں پاکستان کا موقف پیش کریں گے۔

یاد رہے کہ شنگھائی تعاون تنظیم کے اجلاس میں بھارتی وزیراعظم نریندر مودی سمیت دیگر عالمی رہنما شرکت کر رہے ہیں۔