ابوظبی: (رائیٹ ناؤ نیوز) متحدہ عرب امارات میں پیٹرولیم مصنوعات کی قیمتوں میں اضافہ کردیا گیا ہے۔ ستمبر 2026 کے لیے پیٹرول اور ڈیزل کی نئی قیمتوں کا اعلان کردیا گیا ہے۔

پیٹرول کی قیمت میں 15 روپے فی لیٹر اور ڈیزل کی قیمت میں 38 روپے فی لیٹر اضافہ ہوا ہے۔ سوپر 98 پیٹرول کی قیمت 3.80 درہم فی لیٹر، تقریباً 287 پاکستانی روپے ہوگئی ہے۔

اسپیشل 95 پیٹرول کی قیمت 3.69 درہم یعنی تقریباً 279 پاکستانی روپے فی لیٹر مقرر کردی گئی ہے۔ ای پلس 91 پیٹرول 3.61 درہم یعنی تقریباً 273 پاکستانی روپے فی لیٹر ہوگیا ہے۔

ڈیزل کی قیمت 4.30 درہم یعنی تقریباً 325 پاکستانی روپے فی لیٹر ہوگئی ہے۔ اس اضافے سے عوامی مسائل میں مزید اضافہ ہوگا اور ٹرانسپورٹ کے کرایے بھی بڑھ سکتے ہیں۔

یاد رہے کہ عالمی مارکیٹ میں تیل کی قیمتوں میں اتار چڑھاؤ کے باعث مختلف ممالک میں قیمتوں میں تبدیلی ہوتی رہتی ہے۔