تہران: (رائیٹ ناؤنیوز) امریکی فورسز نے ایران کے لارک جزیرے پر حملہ کرتے ہوئے دو میزائل لانچرز کو نشانہ بنایا۔ یہ کارروائی کئی ہفتوں بعد ایران میں امریکا کی پہلی فضائی کارروائی سامنے آئی ہے۔

امریکی سینٹرل کمانڈ کے ترجمان نے بتایا کہ پاسدارانِ انقلاب کے اہلکار آبنائے ہرمز میں بحری بارودی سرنگیں پہنچانے کے لیے راکٹ داغنے کی تیاری میں تھے۔ اسی دوران امریکی فورسز نے کارروائی کی۔

ایرانی پاسداران انقلاب نے کہا ہے کہ امریکی حملے میں فوجی اور شہری نشانہ بنے ہیں۔ انہوں نے اعلان کیا کہ اس جارحیت کا بدلہ لیا جائے گا اور حملہ آوروں کو سزا دی جائے گی۔

ایران نے خطے میں امریکی اڈوں کو نشانے پر لے لیا ہے۔ اردن میں امریکی فورسز پر میزائل حملہ کیا گیا۔ اردن کی فوج نے بتایا کہ فضائی حدود کی خلاف ورزی کرنے والے 8 میزائلوں کو روک لیا گیا۔

یاد رہے کہ امریکا اور ایران کے درمیان تنازعات طویل عرصے سے جاری ہیں۔ یہ تازہ حملہ دونوں ممالک کے تعلقات میں مزید کشیدگی کا سبب بن سکتا ہے۔