پیرس: (رائیٹ ناؤنیوز) پرتگالی فٹبالر کرسٹیانو رونالڈو کی فیفا صدر جیانی انفینٹینو سے ملاقات کے بعد ان کے عجیب تاثرات سوشل میڈیا پر وائرل ہوگئے۔ یہ ملاقات ای اسپورٹس ورلڈ کپ کے دوران پیرس میں ہوئی۔

رونالڈو نے فیفا صدر سے گرمجوشی سے خیریت دریافت کی جبکہ جیانی انفینٹینو نے ان کے ایک ہزار کیریئر گولز کی کامیابی کے لیے نیک خواہشات دیں۔ ملاقات کے بعد رونالڈو کی غیر معمولی تاثراتی ویڈیو وائرل ہوگئی۔

ویڈیو میں رونالڈو کے چہرے کا تاثراتی منہ بنانا زیر بحث آگیا۔ کچھ صارفین نے ان کے تاثرات کو ناپسندیدگی سے تعبیر کیا جبکہ ملاقات میں کوئی ناخوشگوار آثار نہیں دکھائی دیے۔

یہ واضح نہیں کہ رونالڈو کا ردعمل انفینٹینو سے متعلق تھا یا کسی اور بات پر۔ اس لیے صرف چہرے کے تاثرات سے کسی نتیجے پر پہنچنا ممکن نہیں۔

یاد رہے کہ رونالڈو دنیا کے مشہور ترین فٹبالرز میں شمار ہوتے ہیں اور ان کی ہر حرکت مداحوں کی توجہ کا مرکز بنتی ہے۔