واشنگٹن: (رائیٹ ناؤنیوز) امریکی صدر ڈونلڈ ٹرمپ نے ایران پر سخت ترین اقتصادی پابندیوں کا اعلان کیا ہے۔ انہوں نے کہا کہ ایران کو مالی یا تجارتی سہولت دینے والے ممالک کو بھی سخت نتائج بھگتنا ہوں گے۔

ٹروتھ سوشل پر پیغام میں ٹرمپ نے کہا کہ ایران کو معاہدے کا بڑا موقع دیا گیا، لیکن اس نے قبول نہیں کیا۔ انہوں نے کہا کہ ایران کے خلاف اقتصادی جنگ شروع ہو چکی ہے، جس کا مقصد ایران کو عالمی سطح پر تنہا کرنا ہے۔

صدر ٹرمپ نے مزید کہا کہ ایران کی بحریہ اور فضائیہ تباہ ہو چکی ہیں، اور فوجی فیکٹریاں ملبے میں تبدیل ہو چکی ہیں۔ ایران کی کرنسی کی قدر بھی شدید کم ہو چکی ہے۔

انہوں نے تیل کی سمگلنگ، مالیاتی تبادلے اور دیگر ذرائع کو روکنے کی بات کی، اور امریکی اتحادیوں سے درخواست کی کہ وہ ایران کو تنہا کرنے میں ساتھ دیں۔

یاد رہے کہ ان اقتصادی اقدامات کا مقصد ایران کی عالمی طاقت کے استعمال اور دہشت گردی کی معاونت کو روکنا ہے۔ ایران کے جوہری ہتھیار حاصل کرنے کی کوششوں کو بھی نقصان پہنچے گا۔