تل ابیب: (رائیٹ ناؤ نیوز) اسرائیل کے قومی سلامتی مشیر اتمار بن گویر نے کہا ہے کہ اسرائیلی فوج کو غزہ میں ہر رات 30 سے 40 افراد کو ہلاک کرنا چاہیے۔ ان کا یہ بیان غزہ کے لوگوں سے متعلق ایک انٹرویو میں دیا گیا ہے۔

بن گویر نے مزید کہا کہ یہ کارروائی صرف خطرے کا سبب بننے والوں تک محدود نہیں ہونی چاہیے۔ ان کے مطابق کچھ لوگ غزہ میں زندہ رہنے کے قابل نہیں ہیں۔

اس بیان پر ایرانی نائب وزیر خارجہ کاظم غریب آبادی نے ردعمل دیتے ہوئے کہا ہے کہ یہ قتلِ عام کی حد مقرر کرنا ہے۔ انہوں نے مزید کہا کہ یہ اعترافات ثبوت کے طور پر محفوظ کیے جائیں۔

ایرانی نائب وزیر خارجہ نے کہا کہ صہیونی مجرم فلسطینیوں کی بے دخلی اور یہودی بستیوں کی تعمیر کی بات کر رہا ہے۔ ان بیانات کو اسرائیلی مجرموں کے احتساب کے لیے استعمال کیا جانا چاہیے۔

واضح رہے کہ اسرائیل کی جانب سے غزہ میں ماضی میں بھی ایسی اشتعال انگیز کارروائیاں کی جاتی رہی ہیں۔ ان بیانات کا مقصد غزہ کے لوگوں کو دباؤ میں لانا اور مزید کشیدگی پیدا کرنا ہے۔