فلوریس: (رائیٹ ناؤ نیوز) انڈونیشیا کے جزیرہ فلوریس میں 7.7 شدت کے زلزلے نے شدید تباہی مچائی۔ واقعے میں 47 افراد جاں بحق اور متعدد زخمی ہوگئے ہیں۔

نیشنل ڈیزاسٹر مینجمنٹ ایجنسی کے مطابق ہلاکتوں میں اضافے کا خدشہ ہے۔ متاثرہ علاقوں میں سرچ اینڈ ریسکیو آپریشن جاری ہیں۔

زلزلہ صبح 5 بجے سے کچھ پہلے آیا، جس کی گہرائی 15 کلومیٹر تھی۔ محکمہ موسمیات کے مطابق اس کی شدت زیادہ رہی۔

درجنوں آفٹر شاکس سے سینکڑوں عمارتوں کو نقصان پہنچا۔ متاثرین کی مدد کے لیے امدادی کارروائیاں تیز کردی گئی ہیں۔

یاد رہے کہ انڈونیشیا میں اکثر زلزلے آتے ہیں۔ ماضی میں بھی شدید زلزلوں سے بڑے پیمانے پر نقصان ہوا ہے۔