ممبئی: (رائیٹ ناؤ نیوز) بالی ووڈ اداکار ریتھک روشن اور ان کی گرل فرینڈ صبا آزاد کے تعلقات پر نئے سوالات اٹھ گئے ہیں۔ سوشل میڈیا پر ایک ڈیٹنگ ایپ ‘رایا’ کا اسکرین شاٹ وائرل ہو رہا ہے جس کے بارے میں کہا جا رہا ہے کہ یہ ریتھک روشن کا پروفائل ہے۔

اس مبینہ پروفائل میں ریتھک روشن کی تصاویر موجود ہیں اور انہیں اداکار، پروڈیوسر اور کاروباری شخصیت کے طور پر متعارف کروایا گیا ہے۔ اسکرین شاٹ کے بعد قیاس آرائیاں شروع ہو گئیں کہ شاید ریتھک اور صبا کے درمیان علیحدگی ہو چکی ہے۔

تاحال یہ واضح نہیں ہے کہ یہ پروفائل واقعی ریتھک روشن کا ہے یا نہیں۔ ریتھک روشن اور صبا آزاد نے بریک اپ کی افواہوں یا اس وائرل اسکرین شاٹ پر کوئی باضابطہ ردعمل نہیں دیا ہے۔

یہ بات اہم ہے کہ ریتھک روشن کا ‘رایا’ پروفائل پہلی بار منظرعام پر نہیں آیا، 2024 میں بھی اسی نوعیت کے اسکرین شاٹس گردش کرتے رہے ہیں جن کی تصدیق نہیں ہو سکی تھی۔

یاد رہے کہ ریتھک روشن اور صبا آزاد 2022 سے ایک دوسرے کے ساتھ ہیں اور جولائی 2026 میں انہیں ریتھک کے بیٹوں کے ساتھ چھٹیاں گزارنے کے بعد واپس آتے بھی دیکھا گیا تھا۔