ڈاکٹر نگہت شاہ کا کہنا ہے کہ ان کی تعیناتی سے کسی ایسوسی ایٹ پروفیسر کی پوسٹنگ متاثر نہیں ہوگی، جناح اسپتال میں یونٹ بحال کیا گیا ہے۔
کراچی: (رائیٹ ناؤ نیوز) جناح اسپتال کی شعبہ زچہ و بچہ کی سربراہ ڈاکٹر نگہت شاہ نے واضح کیا ہے کہ ان کا مقصد کسی دوسرے ڈاکٹر کی پوسٹنگ یا ترقی میں رکاوٹ بننا نہیں۔
ڈاکٹر نگہت شاہ نے جیو نیوز سے گفتگو کرتے ہوئے بتایا کہ ان کے شعبے میں کنٹریکٹ بنیادوں پر توسیع ہوئی ہے، جس سے کسی ایسوسی ایٹ پروفیسر کی پوسٹنگ متاثر نہیں ہو رہی۔
انہوں نے مزید کہا کہ گائنا کالوجی کے مختلف یونٹس 2013 سے بند تھے اور 2022 میں جناح اسپتال میں بند یونٹ کو بحال کیا گیا ہے۔
ڈاکٹر نگہت شاہ نے مزید کہا کہ مریضوں کے علاج کے ساتھ پوسٹ گریجویٹ ٹریننگ اور ریسرچ بھی جاری ہے۔ انہوں نے کہا کہ ہمیں مزید ماہر ڈاکٹروں کی ضرورت ہے اور اہل ڈاکٹر کی تقرری پر کوئی اعتراض نہیں۔
یاد رہے کہ ڈاکٹر نگہت شاہ کو اکتوبر 2025 میں جے ایس ایم یو کا پرو وائس چانسلر بھی مقرر کیا گیا تھا، اور ان کی تعیناتی سے دیگر افسران کی سینیارٹی متاثر نہیں ہوگی، ترجمان وزیراعلیٰ سندھ نے کہا ہے۔
