شینژین: (رائیٹ ناؤ نیوز) چین کے شہر شینژین میں واقع ڈیمیشا بیچ پر گرمیوں میں شدید رش کے باعث انتظامیہ نے نئی حد مقرر کی ہے۔ ساحل پر اب روزانہ 80 ہزار افراد کی حد مقرر کی گئی ہے، تاکہ ہجوم کو قابو میں رکھا جا سکے۔

مقامی حکام نے بتایا ہے کہ مئی سے اکتوبر تک ساحل پر آنے والوں کو پیشگی بکنگ کرنا ضروری ہے۔ اس اقدام کا مقصد لوگوں کی تعداد کو کنٹرول میں رکھنا ہے۔

ڈیمیشا بیچ کی مقبولیت کا اندازہ اس بات سے لگایا جا سکتا ہے کہ ماضی میں یہاں ایک وقت میں دو لاکھ افراد بھی موجود رہے۔ یہ رش لوگوں کے لیے سمندر تک پہنچنا مشکل کر دیتا ہے۔

سیاحوں نے آن لائن پلیٹ فارمز پر شکایات کی ہیں کہ رش کی وجہ سے وہ سمندر تک نہیں پہنچ سکے۔ انتظامیہ نے لازمی ریزرویشن کا نظام نافذ کیا ہے۔

یاد رہے کہ ڈیمیشا بیچ ایک عوامی ساحل ہے، لیکن بڑھتی مقبولیت کے باعث شینژین انتظامیہ نے رسائی محدود کرنے کا فیصلہ کیا ہے۔