اسلام آباد: (رائیٹ ناؤنیوز) پاکستان میں کیمبرج جون 2026 امتحانی سیریز کے نتائج کا اعلان ہوگیا ہے۔ کیمبرج کے مطابق ایک لاکھ سے زائد طلبہ نے ان امتحانات میں شرکت کی۔

امتحانات میں پاکستان کے 850 سے زائد اسکولوں کے طلبہ نے حصہ لیا۔ یہ امتحانات اے ایس، اے لیول، او لیول اور آئی جی سی ایس ای پر مشتمل تھے۔

کیمبرج کے مطابق فزکس، میتھمیٹکس، بزنس، کیمسٹری اور کمپیوٹر سائنس سب سے مقبول مضامین رہے۔ ان نتائج میں دنیا بھر کے 3 لاکھ 68 ہزار طلبہ شامل ہیں۔

یہ نتائج عالمی سطح پر اہمیت رکھتے ہیں کیونکہ کیمبرج کے اے ایس اور اے لیول دنیا بھر کی جامعات میں تسلیم شدہ ہیں۔ ان نتائج سے طلبہ کی اعلیٰ تعلیم کے مواقع میں اضافہ ہوتا ہے۔

واضح رہے کہ کیمبرج اے لیول طلبہ کی 98 فیصد درخواستوں کو 2025 میں برطانوی جامعات سے کم از کم ایک آفر ملی تھی، اور یہ امتحانات طلبہ کو اعلیٰ تعلیم اور کیریئر کے لیے تیار کرتے ہیں۔