تہران: (رائیٹ ناؤنیوز) امریکا اور ایران کے درمیان آبنائے ہرمز میں کشیدگی کے دوران شطرنج کے کھیل پر لفظی جنگ جاری ہے۔ امریکی صدر ڈونلڈ ٹرمپ نے ایران کے ساتھ مذاکرات کو شطرنج کا کھیل قرار دیا۔

ایرانی وزارت خارجہ کے ترجمان اسماعیل بقائی نے کہا کہ ایرانیوں نے شطرنج میں اپنی مہارت ثابت کر دی ہے۔ انہوں نے مزید کہا کہ امریکی بحری ناکہ بندی اور خلاف ورزیاں جاری رہیں تو آبنائے ہرمز محفوظ نہیں ہو سکتی۔

صدر ٹرمپ نے ایران کے خلاف فوجی کارروائی کے بجائے اقتصادی دباؤ کو ترجیح دینے کا عندیہ دیا ہے۔ انہوں نے کہا کہ امریکا مکمل مذاکرات نہیں کر رہا بلکہ صورتحال پر نظر رکھے ہوئے ہے۔

ایران کا کہنا ہے کہ آبنائے ہرمز کو محفوظ آبی گزرگاہ بنانے کے لیے ضروری حالات موجود نہیں ہیں۔ یہ بیان ایسے وقت میں آیا جب خطے میں کشیدگی بڑھ رہی ہے۔

واضح رہے کہ آبنائے ہرمز دنیا کی اہم ترین بحری گزرگاہوں میں سے ایک ہے اور خلیج سے عالمی منڈیوں تک تیل کی ترسیل کے لیے اس کی اہمیت ہے۔