اسلام آباد: (رائیٹ ناؤ نیوز) رات کو سوتے وقت ناک بند ہونے کا مسئلہ بہت سے لوگوں کو لاحق ہوتا ہے۔ یہ مسئلہ نیند متاثر کر سکتا ہے اور منہ سے سانس لینے کی ضرورت پڑتی ہے۔

ڈاکٹرز کے مطابق سونے کی پوزیشن ناک بند ہونے کی ایک عام وجہ ہے۔ سیدھا سونے کی صورت میں ناک میں رطوبت جمع ہو سکتی ہے۔ ہارمونل تبدیلیاں بھی ناک میں سوزش کا باعث بنتی ہیں۔

نازلہ یا الرجی کے شکار افراد کو رات کے وقت ناک بند ہونے کی شکایت زیادہ ہوتی ہے۔ ڈاکٹرز کا کہنا ہے کہ کمرے کی صفائی اور دھول مٹی سے بچاؤ اہم ہے۔

ناک بند ہونے سے نیند متاثر ہوتی ہے، جس کے سبب روزمرہ کی زندگی پر اثر پڑ سکتا ہے۔ اس مسئلے کے حل کے لیے طبی ماہرین سے مشورہ ضروری ہے۔

یاد رہے کہ ناک بند ہونے کی شکایت اکثر الرجی، ہارمونل تبدیلیوں یا معدے کی تیزابیت کی وجہ سے ہوتی ہے۔ بروقت تشخیص اور علاج سے مسئلہ حل ہو سکتا ہے۔