مظفرآباد: (رائیٹ ناؤ نیوز) الیکشن کمیشن آزاد جموں و کشمیر نے پونچھ اور سدھنوتی کے حلقوں میں پولنگ ملتوی ہونے کی خبروں کو بے بنیاد قرار دیا ہے۔ ترجمان الیکشن کمیشن نے کہا ہے کہ 10 اگست کو تمام حلقوں میں شیڈول کے مطابق پولنگ ہوگی۔

انہوں نے ووٹرز سے اپیل کی کہ افواہوں پر یقین نہ کریں اور اپنے حقِ رائے دہی کا استعمال کریں۔ پولنگ شیڈول میں تبدیلی کی صورت میں بروقت آگاہ کیا جائے گا۔

الیکشن کمیشن نے افواہوں کی تردید کرتے ہوئے واضح کیا کہ شیڈول میں کوئی تبدیلی نہیں کی گئی۔ سوشل میڈیا پر افواہوں کا پھیلاؤ غیر یقینی حالت پیدا کر رہا ہے۔

واضح رہے کہ سوشل میڈیا پر کچھ صحافیوں نے پونچھ اور سدھنوتی میں الیکشن ملتوی ہونے کی خبریں شیئر کی تھیں۔ ان علاقوں میں احتجاج اور قانون نافذ کرنے والے اداروں کے ساتھ تصادم کی وجہ سے صورتحال پیچیدہ ہے۔

یاد رہے کہ انتخابات کے پہلے دو مرحلوں میں مسلم لیگ ن نے برتری حاصل کی تھی جبکہ پیپلز پارٹی نے دھاندلی کے الزامات کے تحت تحقیقات کا مطالبہ کیا ہے۔