تہران: (رائیٹ ناؤ نیوز) ایرانی وزیر خارجہ عباس عراقچی نے امریکا کو کسی بھی مہم جوئی سے باز رہنے کا انتباہ دیا ہے۔ انہوں نے کہا کہ کسی بھی جارحیت پر فیصلہ کن ردعمل دیا جائے گا۔

عباس عراقچی نے فیلڈ مارشل عاصم منیر اور سعودی و ترک وزرائے خارجہ سے ٹیلیفونک گفتگو کی ہے۔ انہوں نے کہا کہ امریکا اور اسرائیل کی جارحیت کا سخت جواب دیا جائے گا۔

ایرانی سپریم لیڈر کے سینئر مشیر نے کہا کہ ایرانی انفراسٹرکچر پر حملے کا نتیجہ امریکی نظام کی تباہی ہوگا۔ ایران نے جنگی طیاروں کے دعوے کیے ہیں۔

واضح رہے کہ ایران نے اردن میں امریکی جنگی طیارے تباہ کرنے کا دعویٰ کیا ہے۔ سینیئر ایرانی سکیورٹی عہدیدار نے بھی جوابی کارروائی کی تیاری کی تصدیق کی ہے۔

یاد رہے کہ امریکی صدر ٹرمپ نے ایران پر حملہ مؤخر کرنے کا اعلان کیا ہے۔ انہوں نے معاہدے کی شرط رکھی ہے کہ جلد معاہدہ طے پا گیا تو حملہ نہیں ہوگا۔