صنعا: (رائیٹ ناؤ نیوز) حوثی گروپ نے بحیرہ احمر سے گزرنے والے تجارتی جہازوں سے فیس وصول کرنے کی خبروں کو مسترد کردیا۔ حوثیوں کے ہیومینیٹیرین آپریشنز کوآرڈینیشن سینٹر نے بیان میں کہا کہ یہ گزرگاہ مکمل طور پر مفت ہے۔

مرکز نے کہا کہ کسی فریق کی جانب سے فیس یا ادائیگی کا مطالبہ نہیں کیا گیا۔ شپنگ کمپنیوں کو غیر مجاز افراد کو ادائیگی سے منع کیا گیا ہے۔

حوثی گروپ کا کہنا ہے کہ بحیرہ احمر میں جہازوں کی محفوظ گزرگاہ کی سہولت رضاکارانہ طور پر فراہم کی جارہی ہے۔

یہ خبر اس وقت سامنے آئی جب رائٹرز نے حوثی قیادت کے فیس عائد کرنے کی تجویز پر غور کی خبر دی تھی۔ حوثیوں نے اس رپورٹ کو مسترد کر دیا۔

واضح رہے کہ بحیرہ احمر میں تجارتی راستوں کی حفاظت عالمی تجارتی نظام کے لیے اہم ہے۔