اسلام آباد: (رائیٹ ناؤ نیوز) وفاقی وزیر احسن اقبال نے کہا ہے کہ پاکستان دنیا میں ہیپاٹائٹس سی کے مریضوں کی تعداد کے لحاظ سے پہلے نمبر پر ہے۔ انہوں نے کہا کہ وفاقی حکومت اسلام آباد اور ملحقہ علاقوں کو ہیپاٹائٹس فری ریجن بنانے کی کوشش کر رہی ہے۔

احسن اقبال کا کہنا تھا کہ ملک میں ایک کروڑ سے زائد افراد ہیپاٹائٹس سی کا شکار ہیں۔ انہوں نے کہا کہ گلگت بلتستان اور آزاد کشمیر کو بھی ہیپاٹائٹس فری بنانے کے اقدامات جاری ہیں۔

انہوں نے مزید کہا کہ صوبائی حکومتوں سے اپیل کی گئی ہے کہ وہ اپنے علاقوں کو ہیپاٹائٹس فری بنانے میں تعاون کریں۔ احسن اقبال نے کہا کہ پالیسیوں کے عدم تسلسل نے ترقی کا سفر متاثر کیا ہے۔

معاشی ترقی کیلئے اقتصادی اور سماجی ہم آہنگی ناگزیر ہے۔ انہوں نے کہا کہ سماجی اشاریوں میں بہتری کے بغیر پائیدار ترقی ممکن نہیں۔

واضح رہے کہ پاکستان کا سماجی و اقتصادی ڈھانچہ ٹوٹا ہوا ہے، جسے بہتر بنانے کیلئے جامع حکمت عملی اپنانا ضروری ہے۔