اسلام آباد: (رائیٹ ناؤ نیوز) روس جانے کے خواہشمند سیاحوں کے لئے Visit Russia نامی جدید ڈیجیٹل پلیٹ فارم متعارف کر دیا گیا ہے۔ یہ پلیٹ فارم مسافروں کو سفری رہنمائی فراہم کرتا ہے اور ویب سائٹ و موبائل ایپ دونوں پر دستیاب ہے۔

روسی سفارتخانے کے مطابق، یہ پلیٹ فارم بین الاقوامی مسافروں کو ایک ہی جگہ پر مکمل سفری رہنمائی فراہم کرے گا۔ اس میں فضائی ٹکٹ، ہوٹل بکنگ، ٹریول انشورنس اور ایئرپورٹ ٹرانسفر کی سہولیات شامل ہیں۔

مصنوعی ذہانت کی مدد سے یہ پلیٹ فارم صارفین کو سفری منصوبہ بندی آسان بنانے میں مدد دیتا ہے۔ مسافر ماسکو، سینٹ پیٹرزبرگ، قازان اور سوچی جیسے شہروں کی معلومات بھی حاصل کر سکتے ہیں۔

یہ پلیٹ فارم روس کے تاریخی مقامات، عجائب گھروں، ثقافتی مراکز اور قدرتی مناظر کے بارے میں جامع معلومات فراہم کرتا ہے۔ اس سے سیاحوں کو اپنے سفر کو زیادہ دلچسپ اور یادگار بنانے میں مدد ملتی ہے۔

یاد رہے کہ روسی سفارتخانے نے کہا ہے کہ Visit Russia آپ کے سفر کی تیاری سے لے کر قیام تک ایک قابلِ اعتماد ڈیجیٹل ساتھی ہے۔ یہ پلیٹ فارم تفریح، کاروبار یا ثقافتی تبادلے کے لئے روس جانے والوں کے لئے مفید ہے۔