لاہور: (رائیٹ ناؤ نیوز) پاکستان کرکٹ ٹیم کے کپتان بابر اعظم نے ٹیسٹ ٹیم کی کپتانی قبول کرنے کے لیے تینوں فارمیٹس کی قیادت کی شرط رکھی۔ یہ شرط بھارتی میڈیا کی رپورٹ میں سامنے آئی ہے۔

رپورٹ کے مطابق پاکستان کرکٹ بورڈ (پی سی بی) نے بابر اعظم سے ٹیسٹ ٹیم کی قیادت کے لیے رابطہ کیا۔ شان مسعود کی ناقص کارکردگی کے بعد پی سی بی سلیکٹرز نئے کپتان کی تلاش میں تھے۔

بابر اعظم نے 5 جولائی کو ٹیسٹ کپتان کے اعلان سے قبل دو سلیکٹرز سے ملاقات کی۔ رپورٹ میں دعویٰ کیا گیا کہ بابر نے شرط رکھی کہ انہیں مستقبل میں تینوں فارمیٹس کی قیادت دی جائے۔

رپورٹ میں بتایا گیا کہ اگر پاکستان ٹیم ویسٹ انڈیز اور انگلینڈ کے خلاف اچھی کارکردگی دکھاتی ہے تو بابر کو تینوں فارمیٹس کی کپتانی دی جائے گی۔ موجودہ ون ڈے کپتان شاہین آفریدی ہیں، جنہیں ماضی میں ٹی20 کپتانی سے ہٹا دیا گیا تھا۔

واضح رہے کہ بابر اعظم نے نومبر 2023 میں تینوں فارمیٹس کی کپتانی چھوڑ دی تھی۔ اس وقت انہیں صرف ایک فارمیٹ کی کپتانی کی پیشکش کی گئی تھی، جو انہوں نے قبول نہیں کی تھی۔