کوئٹہ: (رائیٹ ناوٴ نیوز) بلوچستان میں خشک سالی کی صورتحال پر محکمہ موسمیات نے پری الرٹ ایڈوائزری جاری کی ہے۔ محکمے کے مطابق صوبے کے مغربی اور جنوب مغربی علاقوں میں بارشوں کی کمی مزید شدت اختیار کر گئی ہے اور خشک سالی کی صورتحال میں مزید بگڑنے کا امکان ہے۔

رپورٹ کے مطابق مئی سے نومبر تک ان علاقوں میں بارشیں کم ہونے کی وجہ سے مسلسل خشک دنوں کی تعداد میں اضافہ ہوا ہے۔ بارش نہ ہونے سے متاثرہ علاقوں میں صورتحال مزید خراب ہو سکتی ہے۔

محکمہ موسمیات کی رپورٹ کے مطابق متاثرہ علاقوں میں چاغی، گوادر، کیچ، خاران، مستونگ، نوشکی، پشین، پنجگور، قلعہ عبداللہ، کوئٹہ اور واشک شامل ہیں۔ ان علاقوں میں فروری 2026 تک درجہ حرارت معمول سے زیادہ اور بارش معمول سے کم رہنے کا امکان ہے۔