تہران: (رائیٹ ناؤنیوز) ایرانی صدر مسعود پزشکیان نے کہا ہے کہ ایران کی وزارت خارجہ ایرانی عوام کے حقوق پر کوئی سمجھوتہ نہیں کرے گی۔ انہوں نے بتایا کہ سپریم لیڈر مجتبیٰ خامنہ ای سے رابطے بڑھ رہے ہیں۔

صدر مسعود پزشکیان نے ایک تقریب میں واضح کیا کہ حکومت تمام اہم فیصلے سپریم لیڈر کی رہنمائی میں کر رہی ہے۔ انہوں نے کہا کہ نجی اجلاسوں میں مسائل کے حل پر زور دیا جاتا ہے اور اسی تناظر میں مذاکرات کا آغاز کیا گیا۔

ایرانی صدر نے اعلان کیا کہ وزارت خارجہ کے تمام سفارتی اقدامات قومی مفادات کو مدنظر رکھتے ہوئے کیے جا رہے ہیں۔ انہوں نے غیر ماہرانہ تبصروں پر تنقید کی اور کہا کہ ایسے بیانات ایران کی کامیابیوں کو کم ظاہر کرتے ہیں۔

مسعود پزشکیان نے کہا کہ مخالف فریق نے بعض وعدوں کی خلاف ورزی کی، لیکن ایران نے توقعات سے بڑھ کر کامیابیاں حاصل کی ہیں۔ ان کا کہنا تھا کہ مذاکرات جاری رہیں گے۔

واضح رہے کہ ایران کی موجودہ حکومت سپریم لیڈر کی رہنمائی میں اہم فیصلے کر رہی ہے۔ حکومت نے مذاکرات کے ذریعے مسائل کے حل پر توجہ مرکوز کی ہوئی ہے۔