واشنگٹن: (رائیٹ ناؤنیوز). امریکی وزیر توانائی کا کہنا ہے کہ صدر ڈونلڈ ٹرمپ کی ہدایت تک ایران پر حملے جاری رہیں گے۔ ان کا کہنا تھا کہ تہران تعاون کرے یا نہ کرے، آبنائے ہرمز میں تیل اور گیس کی ترسیل متاثر نہیں ہونے دی جائے گی۔

امریکی وزیر توانائی نے فاکس نیوز کو انٹرویو دیتے ہوئے وضاحت کی کہ صدر ٹرمپ تنازع کا پرامن حل چاہتے ہیں۔ اگر ایران مذاکرات کے لیے تیار ہو جائے تو جنگ کا خاتمہ ممکن ہے۔

واشنگٹن میں ایران کے خلاف ممکنہ بڑے فوجی آپریشن پر غور جاری ہے۔ فاکس نیوز کے مطابق اگر جنگ میں توسیع ہوئی تو اسرائیل کی شمولیت کا امکان ہے۔ آئندہ حملے پہلے سے زیادہ شدید ہو سکتے ہیں۔

مشرق وسطیٰ میں مزید امریکی فوجی طیاروں کی تعیناتی کے حوالے سے حتمی فیصلہ صدر ڈونلڈ ٹرمپ کریں گے۔ یہ فیصلہ خطے کی موجودہ صورتحال کے پیش نظر کیا جائے گا۔

یاد رہے کہ امریکہ اور ایران کے درمیان کشیدگی میں اضافہ ہوا ہے جس کے باعث مشرق وسطیٰ میں صورتحال کشیدہ ہو چکی ہے۔