تہران: (رائیٹ ناؤ نیوز) روس کی سلامتی کونسل کے سربراہ دیمتری میدودیف نے کہا ہے کہ ایران امریکا کے خلاف جدوجہد میں فتح یاب ہوگا۔ انہوں نے ایرانی قوم کی ہمت اور اتحاد کی تعریف کی۔

دیمتری میدودیف ایک اعلی سطح کے روسی وفد کی قیادت کر رہے ہیں جو آیت اللہ خامنہ ای کی تدفین میں شرکت کے لئے تہران آیا ہے۔ ان کے مطابق روس بھی ایرانی قوم کے غم میں شریک ہے۔

تعزیتی تقریب کے بعد میدودیف نے کہا کہ آیت اللہ خامنہ ای کی شہادت نے ایرانی قوم کو متحد کر دیا ہے۔ انہوں نے کہا کہ ایرانی قوم کسی دباؤ میں نہیں آئے گی۔

انہوں نے کہا کہ ایرانی قوم امریکا کے خلاف جدوجہد میں کامیاب ہو کر ابھرے گی۔ اس دورے میں روسی وفد نے ایرانی صدر مسعود پزشکیان سے بھی ملاقات کی۔

واضح رہے کہ اس ملاقات میں ایرانی صدر نے تہران اور ماسکو کے درمیان اسٹریٹیجک معاہدوں پر عمل کی رفتار تیز کرنے کی ضرورت پر زور دیا۔ خاص طور پر معاشی، تجارتی، توانائی اور ٹرانزٹ سیکٹر میں۔