اسلام آباد: (رائیٹ ناوٴ نیوز) وزیر خارجہ اسحاق ڈار نے کہا ہے کہ دنیا میں جاری تنازعات عالمی امن کے لیے خطرہ ہیں اور مئی میں ہونے والی پاک بھارت جنگ بھی خطرناک ثابت ہوسکتی تھی۔

ایک تقریب سے خطاب کرتے ہوئے، اسحاق ڈار نے کہا کہ موسمیاتی تبدیلی جنوبی ایشیا کے لیے بڑا چیلنج ہے اور یہاں کے ممالک کو سنجیدگی سے اپنے مسائل کے حل پر غور کرنا ہوگا۔

نائب وزیراعظم نے مزید کہا کہ اسرائیل کے غزہ میں اقدامات اور مسئلہ کشمیر کا عدم حل خطے کے امن کو خطرے میں ڈال رہے ہیں۔ انہوں نے کہا کہ جنوبی ایشیا میں موسمیاتی تبدیلی اور غذائی قلت کے مسائل سنگین ہوتے جا رہے ہیں۔

اسحاق ڈار نے کہا کہ بھارت نے سندھ طاس معاہدہ معطل کرنے کا اعلان کیا ہے اور پاکستان تنازعات کے حل کے لیے مذاکرات اور سفارتکاری کی حمایت کرتا ہے۔