اسلام آباد: (رائیٹ ناؤ نیوز) آئندہ مالی سال 2026-27 کے بجٹ میں برآمدکنندگان پر 1 فیصد ایڈوانس ٹیکس ختم کرنے کی تیاری ہے۔ اس اقدام سے برآمدکنندگان کو اہم مالی ریلیف فراہم کیا جائے گا۔

ذرائع کے مطابق ایکسپورٹرز کو اس تبدیلی سے 60 ارب روپے تک کا ریلیف ملنے کا امکان ہے۔ ایڈوانس ٹیکس کی معطلی سے برآمدکنندگان کے مالی مسائل میں کمی ہوگی۔

آئی ایم ایف سے بھی اس معاملے پر بات چیت ہوئی ہے تاکہ آئندہ مالی سال میں برآمدات کو فروغ دیا جا سکے۔ ایڈوانس ٹیکس کی وجہ سے ریفنڈ کلیمز کلیئر نہیں ہو رہے تھے۔

ایڈوانس ٹیکس کی شرط ختم ہونے سے ایکسپورٹ کے ریفنڈ کلیمز کا مسئلہ حل ہوگا۔ یہ شرط ختم کرنے کی درخواست ایکسپورٹرز نے خود کی تھی۔

یاد رہے کہ برآمدکنندگان طویل عرصے سے ایڈوانس ٹیکس کی شرط کو ختم کرنے کا مطالبہ کر رہے تھے تاکہ ان کی مالی مشکلات کا خاتمہ ہو سکے۔