مورو: (رائیٹ ناؤ نیوز) صدر آصف علی زرداری نے مورو میں عوامی اجتماع سے خطاب کرتے ہوئے کہا ہے کہ ہم سب مل کر اسٹیبلشمنٹ کے ہاتھ مضبوط کریں گے۔ انہوں نے سندھ کے شہر مورو میں وزیر داخلہ سندھ ضیاء الحسن لنجار کی رہائش گاہ پر مقامی معززین اور منتخب اراکین سے بھی ملاقات کی۔

صدر زرداری نے اجتماع میں کہا کہ ہمیں لوگوں کو معاشی خودمختاری دینی ہے۔ جدید ٹیکنالوجی کے استعمال اور زراعت کے فروغ کی ضرورت پر زور دیا۔ بتایا کہ یہ وقت کی اہم ضرورت ہے۔

صدر نے بھارت میں مسلمانوں کے ساتھ ہونے والے مظالم پر میڈیا کی خاموشی کی نشاندہی کی۔ انہوں نے کہا کہ پاکستان نے ایک ہفتے کی جنگ میں بھارت کو سبق سکھایا ہے۔

آصف زرداری نے کہا کہ بھارت کے جہاز گرائے جانے سے ان کی عقل ٹھکانے آگئی۔ ہم نے ان کے 8 جہاز گرائے جو معصوم پاکستانیوں پر بمباری کر رہے تھے۔

واضح رہے کہ صدر زرداری نے ملک کی معیشت کو مضبوط بنانے اور اسٹیبلشمنٹ کے ساتھ مل کر کام کرنے کی ضرورت پر زور دیا۔ ان کا کہنا تھا کہ ملک چلانا اصل مسئلہ ہے۔