اسلام آباد: (رائیٹ ناؤ نیوز) وزیراعظم شہباز شریف نے کہا ہے کہ پاکستان اپنی امن کوششیں جاری رکھے گا۔ مذاکرات کا اگلا دور جلد پاکستان کی میزبانی میں ہوگا۔

انہوں نے ایکس پر جاری بیان میں کہا کہ پاکستان اپنی میزبانی میں امن مذاکرات کے اگلے دور کے انعقاد کے لیے تیار ہے۔ انہوں نے مزید کہا کہ پاکستان امن کی اہمیت پر زور دیتا ہے۔

وزیراعظم نے امریکی صدر ڈونلڈ ٹرمپ کو خطے میں امن کے فروغ کے لیے ٹیلیفونک گفتگو پر مبارکباد دی۔ اس گفتگو میں سعودی عرب، قطر، ترکی، مصر، یو اے ای اور اردن کے رہنماؤں نے شرکت کی۔

وزیراعظم نے کہا کہ امریکی صدر کی کانفرنس کال انتہائی مفید رہی۔ فیلڈ مارشل عاصم منیر نے پاکستان کی نمائندگی کرتے ہوئے خطے میں امن کی کوششوں کو سراہا۔

یاد رہے کہ یہ مذاکرات خطے میں امن و استحکام کے فروغ کے لیے اہم ہیں اور پاکستان کی میزبانی میں ہونے والے مذاکرات میں اسلامی ممالک کے رہنماؤں کی شرکت متوقع ہے۔