ریاض: (رائیٹ ناؤ نیوز) پاکستان کے ثالثی کردار کی بدولت امریکا اور ایران کے درمیان جنگ بندی کی کوششوں کو عالمی سطح پر سراہا جا رہا ہے۔

سعودی وزیر خارجہ فیصل بن فرحان نے سوشل میڈیا پر اپنے بیان میں پاکستان کی کوشوں کی تعریف کی ہے۔ انھوں نے امید ظاہر کی کہ فریقین جلد کسی تصفیے پر متفق ہو جائیں گے۔

وزیر خارجہ نے مزید کہا کہ صدر ٹرمپ کی جانب سے ایران پر حملے روکنے کا اقدام بھی قابل ستائش ہے، جس سے مذاکرات کی راہ ہموار ہوئی۔

انہوں نے ایران پر زور دیا ہے کہ پاکستان کی ثالثی اور دی گئی مہلت سے فائدہ اٹھائیں تاکہ خطے میں امن و استحکام ممکن ہو سکے۔

یاد رہے کہ ایران اور امریکا کے درمیان کشیدگی کے باعث مشرق وسطیٰ میں عدم استحکام کا خطرہ بڑھ گیا تھا۔