لاہور: (رائیٹ ناوٴ نیوز) معروف پاکستانی یوٹیوبر ڈکی بھائی، جن کا اصل نام سعد الرحمٰن ہے، حال ہی میں جیل سے رہا ہوئے ہیں اور اس دوران سوشل میڈیا سے مکمل طور پر دور ہیں۔ ان کی اہلیہ عروب جتوئی نے انسٹاگرام پر وضاحت کی کہ سعد کی کوئی بھی تازہ ویڈیو یا تصویر دراصل پرانی ہے۔

عروب جتوئی نے کہا کہ سعد اس وقت بریک پر ہیں اور رہائی کے بعد سے نیا مواد نہیں بنایا۔ انہوں نے مداحوں سے درخواست کی کہ افواہوں پر دھیان نہ دیں، کیونکہ سعد جلد ہی مضبوط انداز میں واپس آئیں گے۔

لاہور کی مقامی عدالت نے سعد کی فوری رہائی کا حکم دیا تھا، بشرطیکہ وہ کسی اور مقدمے میں مطلوب نہ ہوں۔ ان پر الزام تھا کہ انہوں نے ایک غیر قانونی جوا ایپ کی ترویج کی، جس پر نیشنل سائبر کرائم انویسٹی گیشن ایجنسی نے ان کے خلاف مقدمہ درج کیا تھا۔