کراچی: (رائیٹ ناوٴ نیوز)۔ ملک بھر میں خسرے سے 71 اموات کی تصدیق ہوئی ہے۔ وزارت صحت کے مطابق رواں سال 16 ہزار سے زائد مشتبہ کیسز رپورٹ ہوئے جن میں سے 4 ہزار کیسز کی تصدیق ہوئی۔

خسرے سے سب سے زیادہ متاثرہ صوبہ سندھ ہے جہاں 40 اموات رپورٹ ہوئیں۔ سندھ میں 4 ہزار سے زائد مشتبہ کیسز رپورٹ ہوئے جبکہ 1100 سے زیادہ کیسز کی لیبارٹری سے تصدیق ہوئی ہے۔

حکام نے صورتحال کو تشویشناک قرار دیا ہے اور ویکسینیشن مہم کو تیز کرنے کی ہدایت کی ہے۔ سندھ میں اضافی اقدامات کا اعلان کیا گیا ہے تاکہ مزید اموات روکی جائیں۔

خسرے کی وبا بچوں میں زیادہ پھیل رہی ہے، جس کی وجہ سے والدین میں خوف و ہراس بڑھ رہا ہے۔ اس وبا کو روکنے کے لیے فوری اقدامات کی ضرورت ہے۔

واضح رہے کہ ماضی میں بھی خسرہ بچوں کی صحت کے لیے خطرہ بن چکا ہے، جس کے باعث حکومت نے ویکسینیشن مہمات چلائی ہیں۔