اسلام آباد: (رائیٹ ناوٴ نیوز) پاکستان تحریک انصاف کی اقتصادی ٹیم نے وفاقی اور پنجاب حکومت کی معاشی پالیسیوں پر تنقید کی ہے۔ انہوں نے توانائی، تجارت، ٹرانسپورٹ اور صوبائی ترجیحات کو معاشی بحران کی وجوہات قرار دیا ہے۔

پی ٹی آئی کا کہنا ہے کہ بجلی کے شعبے میں منصوبہ بندی اور میرٹ کا فقدان ہے۔ ڈسکوز کی جانب سے مہنگی بجلی خریدنے اور داسو منصوبے میں تاخیر حکومت کی خراب گورننس کو ظاہر کرتی ہے۔

پارٹی نے اسٹریٹجک پیٹرولیم ذخائر نہ بنانے اور نئی کمیٹیاں قائم کرنے کو تنقید کا نشانہ بنایا۔ سڑکوں کے شعبے میں بھی حکومتی ترجیحات پر سوالات اٹھائے گئے ہیں۔

پی ٹی آئی نے کہا کہ برآمدات 2022 کی سطح سے اوپر نہیں جا سکیں۔ بھارت، ایران اور افغانستان کے ساتھ تجارت کی بندش نے پاکستان کی علاقائی تجارت کو متاثر کیا ہے۔

واضح رہے کہ پی ٹی آئی نے خیبر پختونخوا کے لیے اکنامک تھنک ٹینک کا اعلان بھی کیا ہے جس کی قیادت تیمور سلیم جھگڑا کریں گے۔