لاہور: (رائیٹ ناوٴ نیوز) وزیراعلیٰ پنجاب مریم نواز نے چوہدری شوگر مل کے لیے بطور گارنٹی جمع کروائے گئے سات کروڑ روپے واپس لینے کے لیے لاہور ہائی کورٹ میں درخواست دائر کی ہے۔

تین رکنی بینچ نے، جس کی سربراہی چیف جسٹس مس عالیہ نیلم کر رہی ہیں، اس معاملے کی سماعت کی۔ مریم نواز کی جانب سے وکیل جاوید ارشد بھٹی ایڈووکیٹ پیش ہوئے۔

درخواست میں موقف اختیار کیا گیا ہے کہ چونکہ نیب نے شوگر مل کیس ختم کردیا ہے، لہذا عدالت ہائی کورٹ جمع شدہ سات کروڑ روپے واپس کرنے کا حکم دے۔

عدالت نے نیب کے وکیل سے سپریم کورٹ سے درخواست واپس لینے کی دستاویزات طلب کی ہیں۔ نیب کے وکیل نے کہا کہ سپریم کورٹ میں درخواست پر اعتراض تھا، جس کے بعد دوبارہ دائر نہیں کی گئی۔

واضح رہے کہ عدالت نے کیس کی سماعت چار مئی تک ملتوی کردی ہے اور نیب سے درخواست واپسی کی دستاویزات جمع کروانے کی مہلت طلب کی گئی ہے۔