واشنگٹن: (رائیٹ ناوٴ نیوز) لبنان نے امریکہ میں اسرائیل کے ساتھ جاری مذاکرات میں جنگ بندی میں ایک ماہ کی توسیع کی باقاعدہ درخواست دینے کا فیصلہ کیا ہے۔ یہ بات ایک لبنانی اہلکار نے نام نہ ظاہر کرنے کی شرط پر بتائی ہے۔

اہلکار کے مطابق لبنان نہ صرف جنگ بندی میں توسیع بلکہ اسرائیلی بمباری کے خاتمے اور متاثرہ علاقوں کی بحالی کا بھی مطالبہ کرے گا۔ لبنان کا وفد مستقل جنگ بندی اور اس کی پاسداری کی یقین دہانی حاصل کرنے کی کوشش کر رہا ہے۔

لبنانی صدر جوزف عون نے بھی اس پیش رفت کی تصدیق کرتے ہوئے کہا کہ جنگ بندی میں توسیع کے لیے سفارتی رابطے جاری ہیں۔ امریکہ کی ثالثی میں ہونے والے ان مذاکرات میں وزیر خارجہ مارکو روبیو اہم کردار ادا کر رہے ہیں۔

یہ مذاکرات لبنان کے لیے اہم ہیں تاکہ اسرائیل کے ساتھ مستقل امن کا راستہ ہموار ہو سکے۔ اس اقدام سے دونوں ممالک کے درمیان جاری کشیدگی میں کمی کی امید ہے۔

یاد رہے کہ موجودہ جنگ بندی گزشتہ ہفتے شروع ہوئی تھی اور اس کی مدت اتوار کو ختم ہو رہی ہے۔