لندن: (رائیٹ ناوٴ نیوز) 1912 میں ڈوبنے والے بحری جہاز ٹائی ٹینک کی ایک مسافر کی لائف جیکٹ 25 کروڑ پاکستانی روپے میں نیلام ہوئی ہے۔ یہ نیلامی ہنری ایلڈرج اینڈ سن آکشن ہاؤس نے منعقد کی۔

نیلامی میں یہ لائف جیکٹ 9 لاکھ 4 ہزار 500 ڈالرز کی قیمت میں فروخت ہوئی، جو کہ ابتدائی تخمینے سے کہیں زیادہ ہے۔ ابتدائی طور پر اس کی قیمت 3 لاکھ 39 ہزار سے 4 لاکھ 74 ہزار ڈالرز تک متوقع تھی۔

لائف جیکٹ کو لورا میبل نے پہنا تھا، جو ٹائی ٹینک کے فرسٹ کلاس کیبن کی مسافر تھیں۔ انہوں نے لائف بوٹ نمبر 1 پر سوار ہو کر اپنی جان بچائی۔

یہ واقعہ تاریخی اہمیت رکھتا ہے، کیونکہ ٹائی ٹینک کا حادثہ بحر اوقیانوس میں پیش آیا تھا، جس میں ڈیڑھ ہزار سے زائد افراد ہلاک ہوئے تھے۔

یاد رہے کہ ٹائی ٹینک کو کبھی نہ ڈوبنے والا جہاز کہا جاتا تھا، اور اس کا ملبہ 73 سال بعد دریافت ہوا تھا۔ لائف جیکٹ پر لورا میبل اور دیگر مسافروں کے دستخط موجود ہیں۔