کراچی: (رائیٹ ناوٴ نیوز) پاکستانی یوٹیوبر ذوالقرنین سکندر اور رجب بٹ کے درمیان تنازع نے نیا موڑ اختیار کر لیا ہے۔ ذوالقرنین نے رجب بٹ پر سنگین الزامات عائد کرتے ہوئے ثبوت بھی پیش کیے ہیں۔

ذوالقرنین سکندر نے پہلی بار کھل کر بیان دیا ہے کہ رجب بٹ خود کو ‘سیلف میڈ’ کہتے ہیں، جبکہ حقیقت اس کے برعکس ہے۔ انہوں نے بتایا کہ رجب بٹ نے 2021 میں کنول آفتاب سے رابطہ کیا تھا، لیکن بعد میں ان کو پوڈکاسٹ کے ذریعے مشہور ہونے کا موقع ملا۔

ذوالقرنین کا کہنا ہے کہ انہوں نے اور ان کی اہلیہ نے رجب بٹ کو آن لائن پلیٹ فارمز پر متعارف کروانے، شاؤٹ آؤٹس دینے اور ویورشپ بڑھانے میں مدد کی۔ اس کے علاوہ انہوں نے رجب بٹ کی شادی کے اخراجات میں بھی تعاون کیا۔

اس تنازع نے سوشل میڈیا پر بحث چھیڑ دی ہے جہاں صارفین دونوں یوٹیوبرز کے مؤقف پر مختلف آرا کا اظہار کر رہے ہیں۔ معاملہ مزید بڑھنے کے امکانات بھی ظاہر کیے جا رہے ہیں۔

واضح رہے کہ رجب بٹ نے مبینہ طور پر کنول آفتاب کو تنقید کا نشانہ بنایا تھا، جس کے بعد ذوالقرنین نے یہ الزامات عائد کیے۔