لاہور: (رائیٹ ناوٴ نیوز) وفاقی وزیر خزانہ محمد اورنگزیب نے اعلان کیا کہ حکومت نے پٹرولیم مصنوعات کی قیمتوں پر 69 ارب روپے کا بوجھ برداشت کیا ہے۔ انہوں نے کہا کہ توانائی کی بلاتعطل فراہمی کو یقینی بنایا جا رہا ہے، اور اس سلسلے میں روزانہ اجلاس منعقد ہوتے ہیں۔

وزیر خزانہ نے مزید کہا کہ حکومت عوام پر کم سے کم بوجھ ڈالنے کی کوشش کر رہی ہے، جبکہ وزیراعظم نے بھی اس بات کی تاکید کی ہے۔ انہوں نے امید ظاہر کی کہ اپریل تک سپلائی چین کی صورتحال بہتر ہو جائے گی اور توانائی کی بچت کے اقدامات پر غور کیا جا رہا ہے۔

وزیر خزانہ نے کہا کہ ہم ٹارگٹڈ ریلیف فراہم کرنے کی جانب بڑھ رہے ہیں تاکہ مستحق طبقہ کو فائدہ پہنچ سکے، اور ملک کو بحران سے نکالنے کے لیے سب کو مل کر کام کرنا ہوگا۔