لاہور: (رائیٹ ناوٴ نیوز) جمعة الوداع کی عبادات اور یوم القدس کی ریلیوں کے باعث ملک بھر میں سکیورٹی ہائی الرٹ کر دی گئی ہے۔ عبادت گاہوں اور ریلیوں کے لئے خصوصی حفاظتی انتظامات کیے گئے ہیں۔

پاکستان کے مختلف شہروں میں یوم القدس کے موقع پر شاہراہوں کو بند کیا گیا ہے اور متبادل ٹریفک پلان جاری کیے گئے ہیں۔ رمضان کے آخری جمعہ کو یوم القدس منایا جاتا ہے اور فلسطینیوں کے حق میں مظاہرے منعقد کیے جاتے ہیں۔

اسلام آباد میں مقامی تعطیل کا اعلان کیا گیا ہے اور تمام تعلیمی ادارے بند ہیں۔ کراچی میں بھی عام تعطیل کا اعلان کیا گیا ہے اور ریڈ زون کے لیے صرف مارگلہ روڈ کھلا ہے۔

آئی جی پنجاب نے کہا ہے کہ جمعةالوداع اور یوم القدس کی تقریبات کو بھرپور سکیورٹی فراہم کی جائے گی اور اہم مقامات پر سکیورٹی بڑھا دی گئی ہے۔

پنجاب اور بلوچستان پولیس نے ہزاروں پولیس اہلکار و افسران کو تعینات کیا ہے جبکہ حساس مقامات کی مانیٹرنگ کیلئے سی سی ٹی وی کیمرے استعمال کیے جا رہے ہیں۔