خواجہ آصف نے کہا کہ اگر پیشگی منصوبہ بندی نہ ہوتی تو پیٹرول 375 روپے فی لیٹر ہوتا۔ حکومت نے پیٹرول اور ڈیزل کی قیمت میں پچپن روپے فی لیٹر اضافہ کیا ہے۔
اسلام آباد: (رائیٹ ناوٴ نیوز) وزیر دفاع خواجہ آصف نے پیٹرولیم مصنوعات کی قیمتوں میں اضافے پر ردعمل ظاہر کرتے ہوئے کہا کہ اگر پیشگی منصوبہ بندی اور انتظامات نہ کیے جاتے تو پیٹرول کی قیمت 375 روپے فی لیٹر تک پہنچ جاتی۔
خواجہ آصف نے بتایا کہ مشرق وسطیٰ اور ایران کی کشیدہ صورتحال نے عالمی معیشت کو متاثر کیا ہے اور آبنائے ہرمز کی بندش نے پیٹرولیم مصنوعات کی قیمتوں میں اضافہ کر دیا ہے۔
حکومت نے پیٹرول اور ڈیزل کی قیمت میں پچپن روپے فی لیٹر اضافہ کیا ہے، جس پر عوام نے شدید ردعمل کا اظہار کیا اور پیٹرولیم قیمتوں میں کمی کا مطالبہ کیا ہے۔
