راولپنڈی: (رائیٹ ناوٴ نیوز) چیئرمین جوائنٹ چیفس آف سٹاف کمیٹی جنرل ساحر شمشاد مرزا نے نیول ہیڈکوارٹرز کا الوداعی دورہ کیا اور چیف آف نیول سٹاف ایڈمرل نوید اشرف سے ملاقات کی۔ انہوں نے پاک نیوی کی سمندری حدود کے تحفظ کے لیے جنگی صلاحیتوں کو سراہا۔\n\nپاک فوج کے شعبہ تعلقات عامہ کے مطابق، جنرل ساحر شمشاد مرزا نے نیول چیف کے ساتھ مشترکہ مسلح افواج کے تعلقات کو مضبوط بنانے میں اپنے کردار کو بھی اجاگر کیا۔ نیول ہیڈکوارٹرز آمد پر انہیں گارڈ آف آنر پیش کیا گیا اور انہوں نے نیول افسروں سے ملاقات کی۔