لاہور: (رائیٹ ناوٴ نیوز) لاہور پولیس کے سوشل میڈیا اکاؤنٹ پر چیٹ جی پی ٹی کے بھونڈے استعمال نے ادارے کی جگ ہنسائی کروا دی۔ پولیس کی جانب سے مقامی مذہبی علما کے ساتھ ملاقات کی تصاویر شیئر کی گئیں، جن میں پوسٹ کے آغاز میں "ChatGPT said” درج تھا۔

یہ پوسٹ بغیر ترمیم ایکس پر موجود رہی، جس سے ظاہر ہوتا ہے کہ سوشل میڈیا افسر نے مواد براہ راست چیٹ جی پی ٹی سے کاپی کر کے پیسٹ کیا۔ نتیجتاً، پولیس میٹنگ کا اعلان ڈیجیٹل انداز میں ایک ہوم ورک انسٹرکشن کی طرح نظر آیا۔

اس معمولی غلطی نے عوام کو تفریح مہیا کی، جبکہ پولیس افسران کی جانب سے یہ غیر ارادی غلطی ایک عام میٹنگ کو نمایاں کر گئی۔ آج کل کئی ادارے چیٹ جی پی ٹی سے مدد لے رہے ہیں، اور حال ہی میں ایک اخبار بھی ایسی غلطی کا شکار ہوا۔