لندن: (رائیٹ ناوٴ نیوز) نوبیل انعام یافتہ ملالہ یوسفزئی نے اسلام آباد کی مسجد میں دہشت گرد حملے کی مذمت کی ہے۔ انہوں نے عبادت گاہوں میں لوگوں کے محفوظ نہ ہونے کو خطرناک قرار دیا ہے۔

ملالہ نے حملے میں شہید ہونے والوں کے لواحقین سے ہمدردی کا اظہار کرتے ہوئے اسے انسانیت، ایمان اور اقدار کے خلاف بزدلانہ جرم کہا۔ انہوں نے دعا کی کہ ملک میں امن قائم ہو۔

I am horrified by the attack on a Shia mosque in Islamabad during Friday prayers — an attack on our shared humanity, faith and values.

Targeting innocent worshippers and civilians is a heinous and cowardly crime. My heart goes out to all the victims, the injured and their…

— Malala Yousafzai (@Malala) February 6, 2026

یاد رہے کہ اسلام آباد کے علاقے ترلائی کی امام بارگاہ و مسجد خدیجۃ الکبریٰ میں خودکش دھماکے سے 32 افراد جاں بحق اور 150 سے زائد زخمی ہوئے۔

تفتیشی ذرائع کے مطابق جائے وقوعہ سے حملہ آور کا شناختی کارڈ ملا ہے، جس سے اس کی شناخت یاسر کے نام سے ہوئی ہے۔ پولیس نے پشاور میں اس کے گھر پر چھاپہ مار کر دو بھائیوں اور ایک خاتون کو گرفتار کیا ہے۔