اسلام آباد: (رائیٹ ناوٴ نیوز)اسلام آباد کی امام بارگاہ خدیجہ الکبریٰ میں دھماکے پر چینی سفارتخانے نے افسوس کا اظہار کیا ہے۔ چینی سفارتخانے نے قیمتی جانوں کے ضیاع اور شہریوں کے زخمی ہونے پر گہرے دکھ کا اظہار کیا ہے۔

چینی سفارتخانے کی جانب سے جاری بیان میں کہا گیا کہ چین جاں بحق افراد کے لواحقین سے دلی تعزیت کرتا ہے اور زخمیوں کی جلد صحتیابی کے لیے نیک تمناؤں کا اظہار کرتا ہے۔

1/2 We are deeply saddened by the serious deaths and injuries caused by the explosion in Imambargah Khadijah al-Kubra, we extend our heartfelt condolences to the deceased victims, express our sincere sympathies to their families, and wish for the early recovery of the injured.

— Chinese Emb Pakistan (@CathayPak) February 6, 2026

بیان میں مزید کہا گیا کہ چین اس مشکل وقت میں پاکستانی عوام کے ساتھ کھڑا ہے اور دکھ کی اس گھڑی میں مکمل یکجہتی کا اظہار کرتا ہے۔

واضح رہے کہ امام بارگاہ میں ہونے والے دھماکے کے نتیجے میں متعدد افراد جاں بحق اور زخمی ہوئے تھے، جس کی مذمت مختلف ممالک اور سفارتی مشنز کی جانب سے کی جا رہی ہے۔