کراچی: (رائیٹ ناوٴ نیوز) میئر کراچی مرتضیٰ وہاب نے کہا ہے کہ کراچی میں سیاسی جماعتوں کے درمیان کوتاہیوں کا الزام ایک دوسرے پر ڈالنا روایت بن چکا ہے۔ انہوں نے گل پلازہ سانحہ پر منفی باتوں پر تبصرہ کرتے ہوئے کہا کہ بعض جماعتیں اپنی ناکامیوں کو چھپانے کے لیے دوسروں کو ذمہ دار ٹھہراتی ہیں۔

مرتضیٰ وہاب نے مزید کہا کہ کراچی کی ترقی کے لیے اس سال 46 ارب روپے خرچ کیے جائیں گے، جبکہ اس ماہ کے آخر تک 5.5 ارب روپے کی لاگت سے 26 سڑکوں کی بحالی مکمل کی جائے گی۔

انہوں نے ضلع وسطی میں تیموریہ لائبریری کی بحالی کے منصوبے کا افتتاح بھی کیا۔