لاہور: (رائیٹ ناؤنیوز) پاکستانی اداکارہ مریم نفیس خواتین اور کم عمر بچیوں کے ساتھ ہونے والی زیادتی اور قتل کے واقعات پر آبدیدہ ہوگئیں۔ انہوں نے اپنے انسٹاگرام اکاؤنٹ پر ایک جذباتی ویڈیو شیئر کی جس میں انہیں روتے دیکھا گیا۔

مریم نفیس نے معاشرے میں خواتین اور بچیوں کے ساتھ ہونے والے مظالم پر دکھ کا اظہار کیا۔ انہوں نے کہا کہ پانچ سالہ بچی کے ساتھ گینگ ریپ کیا گیا اور اسے قتل کر کے کنویں میں پھینک دیا گیا۔

اداکارہ نے مزید بتایا کہ بچہ خانے کے باہر ایک نومولود بچی پولیس کو ملی۔ اس سے پہلے ہیش ٹیگ ‘حنا’ چلا جسے اس کے شوہر نے بےدردی سے قتل کردیا۔

مریم نفیس نے کہا کہ پولیس نے ایک 20 سالہ لڑکی کے ساتھ زیادتی کی، جبکہ 18 ماہ کی ایزل کے ساتھ بھی ریپ ہوا۔ ان واقعات نے معاشرے کو ہلا کر رکھ دیا ہے۔

واضح رہے کہ پاکستان میں خواتین اور بچیوں کے خلاف جرائم کی شرح میں حالیہ دنوں میں اضافہ ہوا ہے، جو تشویشناک ہے۔